وقتا البكرا بيبطل أحلى من
اليوم....
وقتا الشباب بيبطل فرقانة معن
بلد...
وقتا الأخلاق صرنا منتعلما من فرقة
حرامية وكذابين بيستحمرونا مع كل شرقة شمس...
وقتا منترحّم على انتداب...
وقتا منطمر تاريخ شعب تما نتعلّم
منّو...
وقتا الشهيد بيندم على شهادة راحت
هدر...
وقتا الانتماء للوطن بيموت ومنصير
ننتمي لأحزاب...
وقتا الليرة بدا دعاية تترجع
تحكي...
وقتا ابن البلد بيصير غريب
ببلدو...
وقتا الآدمي بيصير حمار والأزعر
فهمان...
وقتا الجامعات بتصير دكاكين والتلاميذ
زبونات...
وقتا الدولة بتنفصل عن الشعب..
وبتصير كل عيلة دولة...
وقتا الشعب بينزل عالشارع تيدافع
عن بلد تاني ووطنو عمبيموت...
وقتا كرامة السياسيين بتصير أعز
عالناس من كرامتهن...
وقتا المقامات الدينية بتستباح...
وقتا الوطن بيكون لعبة بيتسلّو
فيها الزوّار....
....
مش بس الوطن بينزف دم....... بيصير
ينزف كرامة....
تصبحون على وطن
14 آذار 2012 – ساره ر. الحاج
