الشرف المباح عند الشعب اللبناني

يمكن ما بيحقلي استغرب لأنو هالشي صار من التراث، وبيسمح فلان وعلتان لحلو انو يستبيح شرف البنت اللي يتخطر عبالو وبيسمح الاعلام الحر الشفاف لنفسه اتو بنشر غسيل الفنانين، وبتدخل باللي بيخصو وباللي ما بيخصو بس لأنو ببلدنا لأ الحكي بيجيب مصاري، والمجلات اللي بتنشر عرض الفنانين، هيي اللي ما بتضاين عرفوف المكتبات

بذكر من فترة سمعت مقابلة لأحد الصحافيات الشرف بهيدا البلد، وبتقول: “أنا حقي اتدخل بحياة الفنان لحدد باب أوضة نومو”، مين انتي أصلن تتدخلي بحياتو، ومين خبرك انو نحنا مهتمين نعرف عنو كل هالتفاصيل؟

خدو هيفا مثلا، انو لي بيحب هيفا رح تفرق معو كتير هيفا مين صاحبت ومع مين ضهرت، ومن مين بتقيص مصاري ومقابل شو؟؟ انا عندي تساؤل، هالمرة كتير حلوة، وكل بنت بنحلم يكون عندا جاذبيتها وغنجها، ليش مصرين انكن تحولوها لا سلعة؟

انو السؤال اللي بيطرح حالو: حدن منكن فكر شي مرة اذا هالحديث صار؟ حدن منكن فكلر شي مرة انو هيفا معقول تكون امرأة عادية؟ حدن منكن لاحظ انو كل شركات الانتاج يتتمنى تتعاقد مع هيفا لأانا من الفنانين القلال اللي بيجيبو هالقد مبيع؟

انو ليش مستلمينا للمرة؟ بس لأنا حلوة؟ طيما اليسا حلوة ونانسي حلوة ونوال حلوة ونجوى كرم هي قمة الجمال العربي… ليش هولي كلن عراصن خيمة وهيفا لا؟

غريبة هالنفسية اللي بتخلينا نحط حالنا بموقع نحكم منو عالناس وندينن ونهز شرفهن! غريب هالحق اللي منعطي لحالنا انو ندينن ونتدخل بحياتن لو مين ما كانو، وبغض النظر عن انتماءاتن وأفعالن ، حتى لو كانو بلا شرف، انو عطول بتذكروني بمتل بيقول: البئر ينضح بما فيه” وفهمكن كفاية

وتصبحون على وطن