ليش لمّا صرنا كبار....؟؟؟؟
بذكر لمّا كنّا صغار…..
كنّا بس نزعل نبكي بلا ما نفكّر…. ونرتاح!!!!
كنّا بس ننوجع نصرّخ بلا ما نفكر…. ونرتاح!!!!
كنّا بس نتضايق من حدن، نحكين ونرجع أصحاب…. ونرتاح!!!!
كنّا نحبّ بلا سبب
ونفرح بلا سبب
ونضحك بس لأنو طالع عبالنا….
ما كنّا نفكر ببكرا شو بدو يصير،
ولا نعطل همّ فلان شو بدو يقول!!!!
ليش لمّا صرنا كبار….
صرنا نخاف نبكي لأنو البكي عيب!!!
صرنا نخاف ننوجع لأنو مش منيحة بحقنا!!!!
صرنا نبغض ونحقد ونكره ونحاسب!!!!!!
صرنا بس نفرح نستغرب ليش فرحانين…. ونحسّ بالزنب!!!
ليش لمّا صرنا كبار….
نسينا الأمل والفرح وكل شي حلو…
نسينا الصحبة والعشرة والحيّ….
ولبسنا كعب وصرنا نخاف نجوي تيابنا تراب….
أولكن نحنا تغيّرنا يا دنيي!!!
أولكن نحنا نسينا كبف نحبّ الناس؟ والدني؟ والأصحاب؟
أولكن تكبّرنا بلا ما نكبر؟؟؟؟
شو عرّفني………
بس بعرف اني مشتاقة ارجع عيش الحياة عبساطتها!!!
متل ما عشتها أنا وزغبرة…
ومتل مل قالت الغنيّة:
“يا مين يرجّعني زغير وياخد مالك يا دني!!!”
ساره الحاج
July 30, 2009
No comments:
Post a Comment