وضاعت العالم………
وشو منعمل هلق يعني……..
وعينا ساعة مأخرين……
وتغيرت الساعة البيولوحية اللي صرلنا من آخر مرة قربو هالساعة عمظبتها!!!!
انو حدن يفهمني ليش بيلعبو بهالساعة
انو ما عمبفهم…… طبما ليه!!؟؟؟ حدن يعطيني سبب واحد مقنع!!!
انو حدن يفهمني شو تغير مع تغيير هالساعة؟؟؟
ذكرتوني بمقطع فلسفة للعظيم ذياد الرحباني بكاسيت “اجتماعس”، ويقول:
“الي واحد هيديك النهار بس قربو الساعة، قلي انو بحياة عرضك لشو قدموو هالساعة فيك تقلي؟، جاوبتو أنو بدون انتباه يعني، قلتلو طب انو قدموها لأنو صارت عمبتعتم مأخرة.
قلي يعني وتعتم مأخرة، شو جايينا نحنا يعني اذا عتمت قبل يعني؟ انو اذا عتمت مأخرة مش أحسن ما نضوي الشمعة ولو خيي، او هالنيون عاليطرية،
لأ انو بحياة عرضك لشو قربوها ولشو يأخروها لشو بيلعبو فيا للساعة؟ انو شو في ورانا نحنا ليش؟ شو مأسر علينا الوقت يعني؟ ما في شي بيبين معنا نحنا لا الليل ولا النهار
انو شو بمدينة تورينو نحنا؟ انو ليقول الواحد يعبي! انو كاينين نصنع تلات الاف سيارة فياة بالنهار وهلق اذا عتمت بكير كارسة، رح بيصيرو الفين وتمانمية تسعين سيارة، شو خربت الشركة يعني!!!! وبدا تقصر عالسوق والعرض والطلب تفشكل كلو لأنو هلق بيطوكيو نازلين فبركة بهالوقت بالتويوتا ونحنا بتورينو سربنا مثلا، وطبش الميزان التجاري لصالحن 48 ساعة، شو هيدي هيدي نكبة كبيرة، ……..
شو في ورانا ولي تيقدمو الساعة ساعة! ويلخبطو هالعباد، لشو تقديم الساعة؟ شو هالساعة اللي من العمر يعني؟
ما بعدو حنا، حنا! وبعدن السياسيين بيدهشونا ليلية بس مأخرين ساعة يعني، انو بدكن تعملو شي منيح غيرو السياسيين، ما تلعبو بالساعة تركوها للساعة، كل سنة بتقدمو الساعة ساعة وبتأخرونا 10 سنين لورا بنفس الوقت……!!!!!!”
ومع هالعظيم زياد أنا بقلكن، حلو عنا بقا، انو بعد في هالساعة تركولنا ياها!
تصبحون على وطن…….بس مأخر ساعة!!!
No comments:
Post a Comment