Tanya Saleh sings, we write — كرمالك يا لبنان

كتير حبّيت بلّش هالموضوع بمقاطع من أغاني الفنانةالقديرة ” تانيا صالح”

— نحن الجيل الجديد سمعتنا بالحضيض، ما في شي طالع بايدو ، هيدا الجيل الجدي، عالف كل المسائل، عن حالو منو سائل طالع لبيّو عائل جبلو هديّة ععيدو

يا سلوى ليش عمبتبكي، عم ببكي عالحقيقة، اب قومي تنرقص دبكي وعلّي صوت الموسيقى، هالعمر بيمضى بتكّي ما تستنّي ولا دقيقة، الحقيقة اللي قدّامك بعمرك ما تقوليها، الكلمة اللي عراس لسانك يا بلعيه يا بلعيها، ما ناقصنا معلومات منحكي بتلات لغات، وساكتين ما أحلانا، يسواك ما يسوانا، الحقيقة مرة يا بنتي، وانت قلبك حنون، لا سمعت ولا قشعتي، خليكي بلا عيون، ولمل تشوفي شواز حطّي فيزا عالجواز، و فلّي اذا قدرتي، وين نحنا ووين انتي؟

ما أجمل ما غنّت تانيا صالح وما أصدقه، أوليست هذه حالتنا، نعم نحن الجيل الجديد، نقبل بما أملاه علينا التاريخ ونسكت، لا نعرف اين الحقيقة ونيأس ونرحل عن هذا الوطن

وتكمل تانيا: “عالمية نفس القضية،الكل شاف وهرب، ولامونا واستضعفونا ودقّوا طبول الغضب، عالميّة نفس القضية، استنكارات وخطب، عطشانة خليلي ميّة…….قّلّي عمين العتب

هيدا مش بهدلة للشعب اللبناني، هيدا بس تحيّة لسيّدة لبنانيّة، كان عندا الجرأة انو تغني الحقيقة، الحقيقة اللي كلنا منهرب منا ومنخبيا لانو منستحي فيا، منستحي نقول، انو نحنا اللي ما عمنعمل شي تنتقدم وكل واحد منا ملهي بحالو و ناسي الهم الكبير اللي هوي الوطن. تانيا استعملت صوتها تتغنّي للوطن، نحنا على هيدا الموقع عمنستعمل القلم، حدّ السّيف، خلّي كل واحد منّا من خلال وظيفتوا يشتغل للبنان

Sarah R. Hajj
May 29, 2008